Idman.biz
"Sabah" Moldova millisinin qapıçısı Andrey Kojuxara elçi düşüb.
İdman.biz xəbər verir ki, bu iddia ilə Ukrayna mətbuatı çıxış edib.
Bildirilib ki, Bakı təmsilçisi yerli "Veres"in qapıçısının xidmətində maraqlıdır. 26 yaşlı futbolçu Belçikanın "Dender" klubunun transfer siyahısında yer alsa da, "Sabah" xeyrinə seçim edəcəyi gözlənilir.
Ukrayna "Veres"i qapıçısı üçün ən azı 500 min avro gəlir əldə etmək niyyətindədir. Ötən mövsüm qapıçı UPL-də klubunun heyətində 27, Ukrayna kubokunda isə iki oyun keçirib.
Qeyd edək ki, Kojuxarın "Veres"lə müqaviləsi 2027-ci il iyunun 30-na qədərdir. O, daha öncə "Çernomorets" (Ukrayna), "Valmiera" (Latviya), "Mixalovçe" (Slovakiya) və "Karpatı" (Ukrayna) klublarının da formasını geyinib.
İdman.biz
