İdman.biz
Konfrans Liqasının II təsnifat mərhələsinin cavab oyunları çərçivəsində keçiriləcək "Sabah" (Azərbaycan) – "Makkabi" (Hayfa, İsrail) qarşılaşmasının biletləri bu gün satışa çıxarılacaq.
İdman.biz xəbər verir ki, bunu Bakı klubunun mətbuat xidməti açıqlayıb.
"Sabah"ın avrokuboklarda ev oyununu stadiondan canlı izləmək istəyənlər saat 19:00-dan etibarən biletləri onlayn şəkildə "iticket.az" saytından əldə edə bilərlər. "Bank Respublika Arena"nın kassalarında və başqa satış məntəqələrində bilet satışlarına da qarşıdakı günlərdə başlanması nəzərdə tutulub. Biletlərin qiymətləri 2-10 manat təşkil edəcək.
Oyuna gecikən tamaşaçılar 1-ci hissə bitəndən sonra stadiona buraxılmayacaq. Stadiona qida məhsulları, şüşə və plastik qablarda içki, bərk bağlamalı olan qablarda və bankalarda qida məhsulları ilə daxil olmaq, qəti surətdə qadağandır.
Qeyd edək ki, "Sabah" – "Makkabi" matçı avqustun 1-də, saat 20:00-da "Bank Respublika Arena"da baş tutacaq.
İdman.biz
