Idman.biz
Azərbaycan Premyer Liqasının 7-ci turunda baş tutan "Sabah" "Karvan-Yevlax" matçında ciddi zədə alaraq xəstəxanaya yerləşdirilən Coy-Lens Mikelsin durumuna aydınlıq gəlib.
İdman.biz "Qafqazinfo"ya istinadən xəbər verir ki, ilkin məlumatlara görə, "Sabah"ın oyunçusunun bel sümüyü sınıb.
Qeyd edək ki, Coy-Lens Mikels sözügedən görüşdə penaltidən hesabı açıb. O, cari mövsümdə vurduğu 4 qolla hazırda çempionatın ən yaxşı bombardiridir.
17:40
"Sabah"ın aparıcı futbolçularından biri Coy-Lens Mikels Misli Premyer Liqasının VII turunda "Karvan-Yevlax" ilə oyunda ciddi zədə alıb.
İdman.biz xəbər verir ki, hadisə görüşün son dəqiqələrində baş verib.
Mikels rəqib qapıçısı ilə toqquşub və ayağa qalxa bilməyib. Ona meydanda ilkin tibbi yardım göstərilib, daha sonra isə təcili yardım maşını ilə yerli klinikalardan birinə aparılıb.
Futbolçunun durumu ilə bağlı əlavə məlumat açıqlanacaq.
