Idman.biz
Valdas Dambrauskası baş məşqçi postuna gətirən "Sabah" yayın ilk transfer çalışmasına imza atıb.
İdman.biz Sportinfo.az-a istinadən xəbər verir ki, Azərbaycan Kubokunu qazanan klub Akim Zedadkanı rənglərinə bağlayıb.
"Bayquşlar" Əlcəzair yığmasının müdafiəçisi ilə 2 illik (1+1) müqavilə imzalayıb.
30 yaşlı legioner həmçinin Fransa vətəndaşıdır. Onun karyerası əsasən bu ölkəylə bağlıdır.
Müdafiənin hər iki cinahında oynaya bilən Akim peşəkar futbolda ilk addımlarını "İstr"da atıb (2014-2016).
2016-cı ildə "Lans"ın şərəfini qoruyub, daha sonra "AS Saynt Remoyse"yə üz tutub. 2018-2019-cu illəri "Mariqnan Qiqnak"da keçirib.
Növbəti 3 ildə də "Klermont"un uğurları üçün tər töküb. 2022-2025-ci illərdə "Lill"ə məxsus olub. Bu illər ərzində "Oser" və "Saraqosa"ya (İspaniya) icarəyə verilib. 2025-ci ilin ilk yarısında isə Polşada "Plast"a xidmət edib. "Sabah" onu azad agent statusu ilə düşərgəsinə qatıb.
İdman.biz
