top
Sabah Camalovla bağlı bəyanat yayımladı: AFFA-ya müraciət göndərmişik Sport24.az
09 aprel 2025, 23:33
- +

"Sabah" Camalovla bağlı bəyanat yayımladı: "AFFA-ya müraciət göndərmişik"

"Sabah" sabiq kapitanı, hazırda "Neftçi"də çıxış edən Elvin Camalovla bağlı açıqlama yayıb. Sport24.az xəbər verir ki, "futuristlər" komandanın çalışdırıcısı Vasili Berezutskinin son mətbuat konfransından sonra kluba bir çox müraciət daxil olduğuna görə belə açıqlama verməyi lazım bilib.

 

Mətbuat xidmətinin yaydığı açıqlamada qeyd edilir:

 

"Bu müraciətlər hazırda "Neftçi" FK-nı təmsil edən və klubumuzun keçmiş kapitanı olan Elvin Camalovun davranışı ilə bağlı vəziyyətin aydınlaşdırılmasını zəruri edir. Bununla əlaqədar olaraq, klubumuzun rəsmi mövqeyini açıqlamağı vacib hesab edirik.

 

Əlimizdə olan məlumata əsasən, Azərbaycan Kubokunun yarımfinal mərhələsində "Sabah" FK ilə "Neftçi" FK arasında baş tutmuş oyun ərəfəsində Camalov komandamızın futbolçularından biri ilə iki dəfə əlaqə saxlayaraq, ona cari mövsümün sonunda "Neftçi" FK-ya keçməyi təklif edib. Bu söhbətlər zamanı o, klubunun baş məşqçisinin marağını və həmin futbolçunun oyununa verdiyi yüksək qiyməti xüsusi vurğulayıb.

 

Bu təklif futbolçumuzun diqqətini çəkməyib və o, müraciətə soyuq reaksiya verib. Buna baxmayaraq, Camalov təkrar əlaqə saxlayaraq bu təklifdə israr edib. Bu isə onun hərəkətlərinin məqsədyönlü xarakter daşıdığını açıq şəkildə göstərir.

 

Xüsusilə vurğulamaq istərdik ki, sözügedən futbolçunun "Sabah" FK ilə mövcud müqaviləsi yalnız cari yox, növbəti mövsüm üçün də qüvvədədir. Şübhəsiz ki, uzun müddət komandamızın kapitanı olmuş Elvin Camalov bu vəziyyətdən xəbərdardır. Bu fakt isə onun hərəkətlərinin qəbuledilməzliyini daha da artırır.

 

Biz bu cür davranışı peşəkar etika və futbolçuların statusu və transfer qaydalarının ciddi şəkildə pozulması kimi qiymətləndiririk. Eyni zamanda, bunu ədalətsiz rəqabət nümunəsi hesab edirik. Ən diqqətçəkən məqam isə odur ki, bu cür ünsiyyət cəhdləri məhz Azərbaycan Kubokunun yarımfinalında "Sabah" FK və "Neftçi" FK-nın qarşılaşacağı məlum olduqdan sonra baş verib. Üstəlik, sözügedən futbolçunun komandamızın əsas oyunçularından biri olmasını nəzərə alaraq, bunu idmançının diqqətini yayındırmaq və həlledici oyunlar ərəfəsində ona təzyiq göstərmək cəhdi kimi qiymətləndiririk.

 

Əgər oyunçuya maraq həqiqətən peşəkar çərçivədə olsaydı, "Neftçi" FK rəsmi şəkildə "Sabah" FK və ya futbolçunun nümayəndələri ilə əlaqə saxlayardı. Bunun əvəzinə, bu proses qeyri-rəsmi formada, keçmiş komanda yoldaşı vasitəsilə və rəsmi prosedurlar nəzərə alınmadan həyata keçirilib. Bu isə niyyətin səmimiliyi ilə bağlı ciddi şübhələr doğurur.

 

"Sabah" FK artıq Elvin Camalovun hərəkətlərini qaydaların pozulması kimi dəyərləndirərək, bu barədə AFFA-ya rəsmi müraciət ünvanlayıb. Biz Azərbaycan futbolunda bu kimi mənfi halların, o cümlədən potensial danışılmış oyunların qarşısının alınması istiqamətində AFFA-nın səylərini tam şəkildə dəstəkləyirik.

 

Bununla yanaşı, "Sabah" FK bu bəyanatdan əvvəl "Neftçi" FK rəhbərliyi ilə əlaqə saxlayıb. İki klub arasında qarşılıqlı hörmətə əsaslanan münasibətlər mövcuddur. Ümid edirdik ki, oyunçu məsuliyyəti öz üzərinə götürərək baş verənlərə görə üzr istəyəcək və məsələ ictimai müzakirəyə çıxarılmadan həll ediləcək. Bu məqsədlə açıqlama verilməmişdən öncə kifayət qədər vaxt tanındı. Lakin cavabın olmaması səbəbindən klub, futbol ictimaiyyətində rezonans doğuran bu hadisə ilə bağlı rəsmi açıqlama verməyə məcbur oldu.

 

"Sabah" FK daim ədalətli rəqabəti, klublar arasında şəffaf münasibətləri və mövcud müqavilələrə hörmət göstərilməsini müdafiə edir. Şəffaf və dürüst rəqabət prinsiplərinə əməl etməyin bütün futbol ictimaiyyətinin ortaq məqsədi olmasına inanırıq".

Qarabağ FK

Son xəbərlər

Gimnastika
Bu gün, 13:15

Fərid Qayıbov Avropa Gimnastikasının prezidenti vəzifəsində yenidən seçildi

Futbol
Bu gün, 13:10

"Səbail"dən Elvin Məmmədovla ayrılıq: İcraçı direktorun müsahibəsi

Futbol
Bu gün, 13:00

Azərbaycan Qadın Milli Komandası Banqladeşdə Malayziya ilə Qarşılaşacaq

Futbol
Bu gün, 12:50

İngiltərə Premyer Liqası: "Çelsi" - "Arsenal" London Derbisi Öncesi

Futbol
Bu gün, 12:30

Çelyabinskdə uşaq futbol komandasını daşıyan avtobus qəzaya düşüb, ölən yoxdur - VİDEO

Futbol
Bu gün, 12:30

"Barselona"nın transfer siyahısında mərkəz hücumçusu prioriteti: Keyn, Haaland və digərləri

Futbol
Bu gün, 12:10

"Qarabağ" Çempionlar Liqasında 30 milyon avro qazanıb

Cüdo
Bu gün, 12:04

Hidayət Heydərov "Böyük Dəbilqə"də 1/8 finala yüksəldi

Olimpiada
Bu gün, 11:50

ARMPK nümayəndə heyəti Özbəkistan Paralimpiya Komitəsi ilə əməkdaşlıq perspektivlərini müzakirə edib

Futbol
Bu gün, 11:30

Azərbaycan millisi "FIFA Tri Nations Women's Football Series 2025"-də Malayziya ilə qarşılaşacaq

Futbol
Bu gün, 11:30

Xuan Sebastian Veron Futbol Fəaliyyətindən Kənarlaşdırılıb

Futbol
Bu gün, 11:10

"Astana" azarkeşləri prezident Tokayevə müraciət hazırlayırlar

Futbol
Bu gün, 11:00

"Qarabağ"ın Çempionlar Liqasında qazancı: 30 milyon avro

Futbol
Bu gün, 10:50

"Barselona"nın transfer prioritetləri: Hansı futbolçular hədəfdədir?

Futbol
Bu gün, 10:30

U-19 qadınlardan ibarət milli komandamız bu gün seçmə mərhələdə ikinci oyununu keçirəcək

Cüdo
Bu gün, 10:30

"Böyük Dəbilqə" Əbu-Dabi: Hidayət Heydərov və Rəşid Məmmədəliyev bu gün tatamidə

Futbol
Bu gün, 10:17

"Barselona"nın transfer hədəfləri: Müdafiəçi və hücumçu axtarışında

Futbol
Bu gün, 10:10

Zədəli Neymar "Santos"un qələbəsinə töhfə verib, matçın qəhrəmanı olub

Futbol
Bu gün, 10:00

Leroy Mikels: Qolumu Kristiano Ronaldonun qoluna bənzətdilər

Futbol
Bu gün, 09:50

Azərbaycan U-19 qadın millisi Avropa çempionatının seçmə mərhələsində Şimali Makedoniya ilə qarşılaşacaq

Futbol
Bu gün, 09:30

Yeqor Xvalko: Azərbaycanda özümü yaxşı hiss edirdim, insanlar mehriban idi

Futbol
Bu gün, 09:30

"Qarabağ" "Karvan-Yevlax"ı qəbul edir: Lider autsayderlə qarşılaşır

Futbol
Bu gün, 09:20

Misli Premyer Liqası: "Qarabağ" - "Karvan-Yevlax" Oyunu Bu Gün "Azərsun Arena"da

Futbol
Bu gün, 09:15

Serxio Ramos "Monterrey"dən ayrılır, yeni klub axtarır

Oxşar xəbərlər