Idman.biz
Bu gün "Sabah" UEFA Avropa Liqasının I təsnifat mərhələsində cavab oyununu keçirib.
İdman.biz xəbər verir ki, Azərbaycan kubokunun sahibi Sloveniyada "Selye" ilə üz-üzə gəlib.
İlk matçda 2:3 hesabı ilə məğlub olan Bakı təmsilçi mərhələ adlamaq üçün mütləq qələbə qazanmalı idi. Hesabı açan "Sabah" məğlub vəziyyətə düşsə də, Coy Lens Mikelsin uğurlu oyunu sayəsində nəticəni öz xeyrinə dəyişə bilib. İki dəqiqəyə iki qol vuran futbolçu "Sabah"ı hesabda önə keçirib. 90 dəqiqənin yekununda 3:2 hesabı qeydə alındığından əlavə vaxt təyin olunub. Bu zaman daha yaxşı oynayan "Selye" həlledici qolu vuraraq mərhələ adlayıb.
"Sabah" mübarizəni Konfrans Liqasında davam etdirəcək.
UEFA Avropa Liqası
I təsnifat mərhələsi, cavab oyunu
17 iyul
22:00. "Selye" (Sloveniya) - "Sabah" (Azərbaycan) - 2:3, ə.v. 1:0
Qollar: Franko Kovaçeviç, 18 (p.). Damyan Vuklişeviç, 49. Nikita İosifov, 108 - Coy Lens Mikels, 9; 63; 64
Baş hakim: Draqomir Draqanov (Bolqarıstan)
"Selye": 21. Sluqa, 2. Xuanxo Nyeto, 3. Vuklişeviç, 6. Tutişkinas, 23. Karniçnik (k), 8. Kvesiç, 19. Zabukovnik, 11. Avdili, 10. Şturm, 20. İosifov, 9. Kovaçeviç
Baş məşqçi: Albert Riera
"Sabah": 92. Stas Pokatilov, 5. Rəhman Daşdəmirov, 3. Stiv Solvet, 40. İqor Noqeyra, 80. Akim Zedadka, 88. Xəyal Əliyev, 6. Abdullah Xaybulaev, 13. İvan Lepinitsa, 10. Anatoli Nuriyev, 18. Pavol Safranko, 20. Coy Lens Mikels
Baş məşqçi: Valdas Dombrauskas
Selye. "Zdejele" stadionu
İlk oyun - 3:2
Qeyd edək ki, cütün qalibi Avropa Liqasının II təsnifat mərhələsində AEK (Larnaka, Kipr) - "Partizan" (Serbiya) duelinin qalibi ilə üz-üzə gələcək. Məğlub komanda UEFA Konfrans Liqasının II təsnifat mərhələsində "Petrokub" (Moldova) - "Birkirkara" (Malta) cütünün qalibinə rəqib olacaq.
İdman.biz
