Idman.biz
"Rəhbərliklə görüşümüzdən sonra yeni mövsüm hazırlığına zaqatalalı futbolçularla başlamağa qərar verdik".
İdman.biz xəbər verir ki, bu sözləri Sport24.az-a açıqlamasında "Zaqatala"nın baş məşqçisi Rüstəm Məmmədov deyib.
Gənc mütəxəssis klub rəhbərliyinin sponsorla görüşünün iyulun 17-sinə nəzərdə tutulmasına baxmayaraq, daha sonra açıqlanmayan səbəblərdən üzündən avqustun 8-nə ertələndiyini bildirib: "Aldığım məlumata görə, klubun rəhbərliyi sabah sponsor ilə görüşməlidi. Bundan sonra komandanın məqsədi, büdcəsi müəyyənləşəcək. "Zaqatala" ilə başa çatan müqaviləmi yeniləməmişəm. Çünki biz özümüz də maaşımızı, hansı hədəflər uğrunda mübarizə aparacağımızı bilmirik. Büdcə məlum olandan sonra müqavilələr imzalamağa başlayacayıq. Maliyyə durumumuz təsdiqini tapdıqdan sonra hədəflərdən rahat şəkildə danışa bilərik".
Qeyd edək ki, "Zaqatala" 2024/2025 mövsümünü 34 xalla beşinci pillədə başa vurub.
İdman.biz
