Sport24.az
"Oyun planında ciddi dəyişiklər etməmişdim. Sadəcə, futbolçularım meydanda əzmkar mübarizə aparıb layiqli qələbə qazandı". Bu sözləri Sport24.az-a açıqlamasında "Zaqatala"nın baş məşqçisi Rüstəm Məmmədov deyib.
Gənc mütəxəssis komandasının oyununda inkişaf olduğunu və qarşıdakı turlarda daha da artıracaqlarını vurğulayıb: "Çempionata heç də istədiyimiz kimi hazırlaşa, arzuladığımız oyunçuıarın transferini həyata keçirə bilməmişdik. Buna baxmayaraq, çempionatın gedişində inkişaf edəcəyimizə inanırdıq. Artıq tərəqqi özünü göstərir, yetirmələrim meydanda tapşırıqlarımı maksimum yerinə yetirməyə çalışırlar. İstəklidirlər və son saniyəyə kimi mübarizə aparırlar. Amma bu hələ maksimum deyil, daha da artırmalıyıq. Düşünürəm ki, turdan-tura oyun planında daha da inkişaf edəcəyik".
Qeyd edək ki, I Liqanın III turunda "Zaqatala" öz meydanında "Qaradağ Lökbatan" üzərində 4:0 hesablı qələbəyə sevinib.
