Sport24.az
"Səfərdə "Omoniya"ya məğlub olduq. Amma Kiprdəki uğursuzluğun "Şamaxı" ilə oyuna heç bir dəxli yoxdu. Hər oyunun öz nəticəsi, hekayəsi var". Bu sözləri Sport24.az-a açıqlamasında "Zirə"nin üzvü Rüstəm Əhmədzadə deyib.
Hücumçu üstün olduqları oyunda qol vura bilmdəiklərinə görə məyus olduğunu da gizlətmədi: "Şamaxı" ilə matçda ciddi hazırlaşmışdıq. Məqsədimiz qələbə qazanmaqla üzərimizdən stress atmaq idi. Yaxşı oyun alındı. Çox hücum etsək də, qol şanslarından istifadə edə bilmədik ki, buna görə məyusam. Ümidsizliyə qapılmayıb, gələcəyə nikbin baxmalıyıq".
Futbolçu "Omoniya" ilə Bakıdakı cavab oyunu barədə də danışıb: "İtiriləcək heç nə qalmayıb. Cavab matçında qələbə qazanıb azarkeşlərimizi sevindirmək istəyirik. İstənilən halda bu mövsüm Konfrans Liqasında pis çıxış etdiyimizi düşünmürəm. Özüm daxil, bütün kollektiv üçün yaxşı təcrübə oldu".
Qeyd edək ki, Premyer Liqanın IV turu çərçivəsində baş tutan görüşdə "Zirə" öz meydanında "Şamaxı"ya məğlub olub – 0:1
ABDULLA İSMAYILOĞLU
