İdman.biz
"Zirə" bu gün Konfrans Liqasının III təsnifat mərhələsinin ilk görüşü çərçivəsində səfərdə Xorvatiyanın "Osiyek" komandası ilə qarşılaşacaq.
İdman.biz Rusiyanın soccer365.ru saytının oyuna baxışını təqdim edir.
Xorvatların qeyri-sabitliyindən bəhs edən portal bir tərəfdən Konfrans Liqasında Estoniyanın "Levadiya" komandası ilə iki matçda altı qol vurmaqla inamlı startı, digər tərəfdən çempionatda səviyyəcə geri qalan və yalnız bu mövsüm elitaya yüksələn "Şibenik"ə uduzmağını (1: 2) qeyd edir.
Heyətdə nəzərəçarpacaq yenilik olması qeyd edilir: "Bir çox futbolçu komandanı azad agent kimi tərk etdi. Eyni zamanda meydan sahiblərinin yalnız bir əhəmiyyətli itkisi var - mərkəz müdafiəçisi Slavko Braliç. O, əsas ifaçı idi, amma əvəzlənmə ilə bağlı heç bir problem yoxdur - indi Andre Duarte və Luka Yeleniç bu mövqeni tuta bilərlər. Bundan əlavə, digər xətlər perspektivli oyunçular, o cümlədən ön xətt AZ-dan gətirilən Rikunio Kevalla gücləndirilib. Bununla belə, Federiko Koppitelli hələ də yeni gələnləri ehtiyatlı oynadır, onlara uyğunlaşmaq imkanı verir".
Ötən mövsüm müxtəlif turnirlərdə iyirmi qol vurmuş, "Levadiya" ilə ilk oyunda het-trik etmiş, lakin digər son görüşlərdə qol vuqa bilməmiş argentinalı bombardir Ramon Myeres fərqləndirilir: "Amma rəqibin qapısında yaradılan təhlükəli vəziyyətlərə görə Myeres hələ də ən yaxşılar sırasındadır."
soccer365.ru qeyd edir ki, "Zirə" bu yay çox xoş təsir bağışlayır və bu mövsüm "Şerif"ə Avropa Liqasında yeganə məğlubiyyəti qırmızı vərəqə ilə izah edir: "O vaxtdan Rəşad Sadıqovun komandası belə səhvlərə yol vermir - ümumilikdə 10:2 hesabı ilə müxtəlif turnirlərdə ardıcıl üç qələbə qazanıb".
Komandamızda mövsümə inamla başlayan Davit Volkov fərqləndirilir: "Demək olar ki, hər ikinci oyunda qol vurur. Əvvəlcə "DAK 1904"lə oyunda dubl edib, son matçda isə çempionatda "Səbail"i üç dəfə məyus edib".
Sayt "Zirə"nin səfərdəki uğurlu oyunundan bəhs edir: "Ümumilikdə, "qartallar" səfərdə kifayət qədər yaxşı çıxış edirlər, çünki müxtəlif səviyyəli son 9 qarşılaşmada yalnız bir məğlubiyyətlə üzləşiblər – Azərbaycan kubokunun finalında "Qarabağ"dan. Üstəlik, bu görüş qonaqların 1 qoldan çox buraxdığı yeganə oyun olub - onlar hələ də müdafiədə çox inamlı görünürlər. Ona görə də cümə axşamı "Zirə"nin qələbə üçün oynayacağına şübhə yoxdur".
Saytın matç üçün proqnozu 2:1 ev sahiblərinin xeyrinədir: "Bu qarşıdurmanı tam bərabər adlandırmaq olmaz, lakin komandaların imkanlarındakı fərq heç də kritik deyil. "Osiyek" rahatca III təsnifat mərhələsinə yüksəlib, lakin komandanı təkcə "Levadiya" ilə matçlara görə qiymətləndirməyə dəyməz. Ümumiyyətlə, Xorvatiya klubunun mövsümün əvvəlində bəzi epizodlarda konsentrasiyanı itirilməsi və müdafiə ilə bağlı kifayət qədər problemləri var. Eyni zamanda, "mavi-ağlar"ın güclü mövqedən çıxış edəcəyi də göz qabağındadır, çünki onlar öz meydanlarında rahat üstünlük əldə etməlidirlər. Ev sahiblərində qol imkanları yaratmaq və reallaşdırmaq üçün oyunçular var. Ancaq bu, heç də o demək deyil ki, "Zirə" sadəcə olaraq qələbəni rəqibə verəcək. "Qartallar" mövsümün əvvəlində çox yaxşı çıxış edirlər, yalnız bir minimal məğlubiyyət aldılar. Onlar öz yarılarında yaxşı qapanmağı bacarırlar, lakin hücumda da aktivlik çoxdur. Ona görə də bizi hər iki istiqamətdə qolları olan və favorit üçün aşkar üstünlüyü olmayan parlaq oyun gözləyir".
İdman.biz
