Rusiyalı şərhçi: “Qarabağ” hər şeyini ortaya qoyacaq”

"Qarabağ"ın avrokuboklardakı əhəmiyyətli nailiyyətlərini və "Tottenhem"in hazırda yaxşı formada olmasını nəzərə almasaydıq, İngiltərə klubunun Avropa Liqasına qələbə ilə başlayacağını asanlıqla söyləyərdik".

İdman.biz xəbər verir ki, bunu tanınmış rusiyalı şərhçi Viktor Qusev deyib.

Futbol mütəxəssisi Avropa Liqasının "Tottenhem" – "Qarabağ" matçı ilə bağlı proqnoz verib: "Tottenhem"in liderləri inamlı görünmür. Onlardan biri Rişarilson zədəlidir. Onu da əlavə edək ki, milli çempionatdakı sərt mübarizə şəraitində İngiltərə klublarına xas şəkildə Avropa Liqasına prioritet turnir kimi yanaşmır. Növbəti oyun səfərdə "Mançester Yunayted"ə qarşı olacağından rotasiya qaçılmazdır. Son Xın Min "Qarabağ"la əvvəlki ev oyununda 2 qol vurub. 2015/16 mövsümündəki görüşdə ingiltərəlilər 3:1 hesabı ilə qalib gəliblər. Qonaqların penaltisini Riçard Almeyda qola çevirib. Bu top Azərbaycan təmsilçilərinin İngiltərə komandalarına qarşı 12 matçda yeganə qolu kimi qalıb. Həmin vaxt "Tottenhem" səfərdə də 1:0 hesabı ilə qalib gəlib. İngiltərəlilərə oyundan qol vurmağın vaxtı çatmayıb ki? Meydana əsas heyətlə çıxacaq "Qarabağ" hər şeyini ortaya qoyacaq. Bir vaxtlar Çempionlar Liqasında "Atletiko"ya (0:0, 1:1) uduzmayan komandanın bacarığı təkcə müdafiədə oynamamaqdan ibarət deyil. İndiki "Qarabağ" həmin vaxt olduğu qədər güclü deyil. Buna baxmayaraq, 11 qat ölkə çempionu ardıcıl üç qələbə ilə yenə Premyer Liqanın lideridir. Kabo-Verde millisinin 24 yaşlı yarımmüdafiəçisi Leandro Andrade isə üç qolla komandanın bombardiridir. Bu matçda hər iki komandanın qol vuracağını düşünürəm".

Qeyd edək ki, Londonda baş tutacaq oyun Bakı vaxtı ilə saat 23:00-da başlayacaq.

İdman.biz