Idman.biz
"Bavariya"nın müşahidə şurasının üzvü Karl-Haynts Rummenigge, Nik Voltemadenin "Ştutqart"dan "Nyukasl"a keçidi ilə bağlı söylədiyi fikirlərə görə tənqidlə üzləşib.
İdman.biz bildirir ki, "Nyukasl" yay transfer pəncərəsinin bitməsinə az qalmış Voltemade üçün 90 milyon avro ödəyib. Rummenigge bu münasibətlə "Ştutqart" təbrik edib.
"Mən sadəcə "Ştutqart"ı təbrik edə bilərəm. Onlar bu qədər pul ödəyən "axmağı" tapıblar. Biz bunu etməzdik", - o bildirib.
İngiltərə yığmasının keçmiş üzvü Ceymi Karrager Rummeniggenin bu sözlərindən qəzəbləndiyini bildirib.
"Mən "Nyukasl"ın azarkeşi deyiləm. Amma həqiqətən hörmətli bir futbol klubu olaraq "Bavariya" alman futbolçu haqqında belə hörmətsiz danışmamalıdır. Bunu hörmətsizlik hesab edirəm", - Karrager vurğulayıb.
"Başa düşmürəm ki, insanlar öz klubunda oynamayan oyunçu haqqında niyə belə şərhlər verirlər. Açığını deyim ki, bu, axmaqlıqdır, xüsusən də Nikin həqiqətən yaxşı start götürdüyünü nəzərə alsaq".
Bunu isə Uoltemadenin komanda yoldaşı Entoni Qordon deyib.
Voltemade artıq "Nyukasl"ın heyətində yeddi matçda dörd qol vurub.
