Idman.biz
Karl-Hayns Rummenigge futbolda maaşların artımını problem adlandırıb.
İdman.biz xəbər verir ki, "Bavariya"nın Müşahidə Şurasının üzvü bunu "Kicker"ə müsahibəsində deyib.
O, transfer məbləğlərinin dinamikasına klubların gəlirləri kontekstində baxmaq lazım olduğunu bildirib:
- 2000-ci ildə "Bavariya"nın gəliri 283 milyon alman markı, yəni 144,7 milyon avro idi. Ötən il isə bu rəqəm 951,5 milyon avroya çatıb, yəni altı dəfədən çox artım.
Transfer məbləğləri o qədər də böyük problem deyil, çünki bu xərclər müqavilə müddətində amortizasiya olunur. Məsələn, Harri Keynin transferində 100 milyon avro dörd illik müqaviləyə bölündükdə, bu, "Bavariya"ya ildə cəmi 25 milyon avroya başa gəlir.
Əsl böyük problem isə maaşların artımıdır. Biz də "Bavariya"da bəzən klubun aldığı faydaya nisbətən həddindən artıq yüksək maaşlar ödəyirik.
- Bunu düzəltmək mümkündürmü?
- Əlbəttə, PSJ bunu göstərdi. Hər şeyi geri qaytarmaq mümkündür, yalnız ağıllı və ardıcıl dəyişikliklər tətbiq etmək lazımdır.
- Bu yay Leroy Sanenin məsələsində olduğu kimi?
- Onun müqaviləsi başa çatırdı. Qalan hər şey onun şəxsi qərarıdır və bu qərara hörmətlə yanaşmaq lazımdır.
İdman.biz
