Sport24.az
Rüfət Quliyev karyerasını ölkə xaricində davam etdirəcək. Sport24.az-ın əldə etdiyi məlumata əsasən 51 yaşlı mütəxəssis Avropaya yollanıb.
Quliyevin keçidində birbaşa vasitəçi olan futbol agenti Yunis Yunisli saytımıza açıqlamasında Rüfət bəyin yeni işi ilə bağlı müəyyən detalları açıqlayıb: "Rüfət Quliyev məşqçi kimi Albaniya klubunda çalışacaq. Hələ ki, rəsmi müqavilə bağlanmadığından klubun adını açıqlamaq istəmirəm. Albaniyada əvəzedicilər arasında çempionat keçirilmir. Əvəzində U-21 kollektivləri var. Quliyev də güclülər dəstəsində çıxış edən klubun U-21-ni çalışdıracaq".
Qeyd edək ki, Rüfət Quliyevin son iş yeri I Liqada çıxış edən "Araz -saatlı" olub.
