Idman.biz
"Səbail"in futbolçusu Rüfət Abdullazadə Türkiyəyə yollanacaq.
İdman.biz Sportal.az-a istinadən xəbər verir ki, yarımmüdafiəçi Türkiyə 1-ci liqasında yarışan "Vanspor"la anlaşıb.
Azərbaycan Premyer Liqa təmsilçilərinin bir çoxundan təklif alan Abdullazadə legioner həyatı yaşamaq istəyini daha üstün tutub.
"Turan Tovuz" Rüfətin transferi üçün "Səbail"ə 100 min manat da təklif edib. Tovuz klubu ilə yanaşı, əksər klublarımızın maraq dairəsində olan 24 yaşlı futbolçu özünü Türkiyədə sınamaq qərarına gəlib.
Artıq "Vansspor" rəhbərliyi ilə hər şey razılaşdırılıb. Son anda hansısa problem çıxmasa, Rüfət yeni mövsümə məhz bu klubda başlayacaq.
Qeyd edək ki, Van təmsilçisi ötən mövsüm Türkiyə 2-ci liqasında mübarizə aparıb. Pley-off görüşlərindən qalib ayrılan komanda 2025/2026 mövsümündə 1-ci liqada iştirak etmək hüququ qazanıb.
İdman.biz
