Sport24.az
"Bizi çətin oyun gözləyir. "Sabah" iddialı komandadır. Sərfəli nəticə qazanmaq üçün meydanda sona qədər vuruşacağıq". Bu sözləri Sport24.az-a açıqlamasında "Şamaxı"nın futbolçusu Rüfət Abbasov Misli Premyer Liqasının 34-cu turunda qarşılaşacaqları "Sabah"la oyundan gözləntilərini açıqlayarkən deyib.
Gənc müdafiəçi "Şamaxı" klubunda özünü xoşbəxt hiss etdiyini bildirib:
"Öz oyunumu mənim dəyərləndirməyim düzgün olmaz. Yaxşı olar ki, bu barədə kənardan baxanlar danışsın. Hazırda bütün fikrimi "Şamaxı"ya yönəltmişəm. Klubla müqaviləm var, burada özümü xoşbəxt hiss edirəm. Hələ ki, komandadan ayrılmaq kimi düşüncəm yoxdur".
Qeyd edək ki, "Sabah" "Şamaxı" matçı mayın 9-u saat 19:00-da keçiriləcək.
