Sport24.az
"Şamaxı üçün əsas məqsəd Premyer Liqada qalmaq idi ki, şükür istəyimizə çatdıq". Bu sözləri Sport24.az-a açıqlamasında "Şamaxı"nın futbolçusu Rüfət Abbasov deyib.
Abbasov geridə qalan mövsümünü "Şamaxı" üçün müsbət qiymətləndirib:
"Məncə, mövsüm boyu yaxşı oyun sərgilədik. Çempionatı 7-ci pillədə başa vurmağımızı müsbət qiymətləndirərəm. "Şamaxı"ya keçəndən sonra bütün oyunlarda meydana çıxmışam. Öz oyunumu dəyərləndirməyim isə düzgün olmaz. Bu barədə mütəxəssislər danışsa daha yaxşı olar.
"Şamaxı" ilə bir illik müqaviləm var. İndi U-21-in toplanışdayam və bütün fikrimi bura yönəltmişəm".
Qeyd edək ki, 20 yaşlı futbolçu başa çatan mövsümdə "şirlər"in heyətində ümumilikdə 37 oyuna çıxıb, 1 qol vurub, 5 məhsuldar ötürmə ilə yadda qalıb.
