Idman.biz
Almaniyada "Ayntraxt Frankfurt"un formasını geyinən türk futbolçu Can Uzunla bağlı peşmançılıq yaşanır.
İdman.biz-in məlumatına görə, Almaniya Futbol Federasiyasının idman direktoru Rudi Föller 19 yaşlı hücumçunun çıxışına heyran olsa da, onunla bağlı təəssüf hissi keçirir.
Federasiya uzun müddət Can Uzunu Almaniya millisinə cəlb etməyə razı salmağa çalışsa da, o, 2024-cü ildə Türkiyə yığmasını seçib.
"Hər həftə televiziyada onu izləyirəm və gözlərim yaşla dolur. Ondan gözlədiyimiz də elə bu idi. O, fantastik oyunçudur. Təbii ki, bir az mütəəssir oluram, amma həm də qürur duyuram", - Föller deyib.
Föller qeyd edib ki, Can Uzun milli komanda seçimində çox çətinlik çəkib: "Atası və meneceri ilə çox yaxşı görüşümüz oldu. O, həqiqətən də çox tərəddüd edirdi. Amma sonda seçimini etdi. Bunu da hörmətlə qarşılamaq lazımdır".
Cari mövsümdə "Ayntraxt"da 8 matçda iştirak edən Can 6 qol vurub və 4 məhsuldar ötürmə edib.
