Idman.biz
Ruben Amorimin rəhbərliyi altında "Mançester Yunayted" ilk dəfə olaraq İngiltərə Premyer Liqasında ardıcıl iki oyunu qələbə ilə başa vurub.
İdman.Biz xəbər verir ki, bazar günü 8-ci turun matçında "Mançester Yunayted" "Liverpul"u 2:1 hesabı ilə məğlub edib.
Bundan əvvəl - oktyabrın 4-də isə "Sanderlend"i 2:0 hesabı ilə yenmişdi.
Ruben Amorim 2024-cü il noyabrın 11-dən "Mançester Yunayted"in baş məşqçisidir. Bu müddət ərzində mütəxəssis komandası ilə 51 rəsmi matça çıxıb. Daha əvvəl Amorim Portuqaliya klubları "Braga" və "Sporting"də çalışıb.
Hazırda "Mançester Yunayted" turnir cədvəlində 13 xalla 9-cu yerdədir. Lider 19 xalla "Arsenal"dır.
