Idman.biz
Ruben Amorim komandasının Premyer Liqada "Brayton" üzərində qazandığı qələbədən məmnundur.
İdman.Biz bildirir ki, qarşılaşma 4:2 hesabı ilə "manikunianlılar"ın xeyrinə qurtarıb.
"Özümü yaxşı hiss edirəm. Evdə üç xal. Yaxşı oynadıq, amma sonda əziyyət çəkdik - qismən öz günahımız üzündən.
Oyunçularımız əllərindən gələni etdilər. Onlar aktiv idilər, topla oynadılar və lazım olduqda topu çıxardılar. Yaxşı oyun idi.
"Brayton" topla yaxşı işləyən istedadlı bir komandadır. Oyunun sonunda qazandıqları impulsdan istifadə etdilər və oyunu ələ aldılar, amma pis anlara reaksiya verməyi öyrənirik. Bu gün də bunu etdik.
Üçüncü qoldan sonra stadiondakı səs-küy qeyri-adi hala gəldi; bu səsi ilk dəfə eşitdim, bu atmosferi hiss etdim. Yaxşı an idi.
Bu gün qələbədən zövq almalıyıq, amma sabah başqa bir oyuna hazırlaşmalıyıq. Cədvələ baxanda, bir həftə hər şeyi dəyişə bilər. Bəzən klubumuzda yaxşı emosiyalar qazanmaq çox çətindir, ona görə də pis nəticələrə qayıtmaqdan qorxmalıyıq.
Dünyadakı bütün istedadlara sahib ola bilərsiniz, amma bu liqada döyüşməsəniz, şansınız yoxdur", - deyə "Mançester Yunayted"in baş məşqçsi bildirib.
