Idman.biz
"Mançester Yunayted"in baş məşqçisi Ruben Amorim portuqaliyalı mütəxəssis Joze Mourinyo haqqında danışıb.
İdman.Biz bildirir ki, Joze Mourinyo 2025-ci ilin sentyabrında "Benfika"ya baş məşqçi təyin edilib. Klub 11 oyundan sonra 25 xalla Portuqaliya liqasında üçüncü yerdədir.
"Mən bir çox məşqçidən dərs almışam, amma Mourinyo mənim üçün nümunə idi. O, təkcə portuqaliyalılar üçün deyil, bütün dünya üçün etalondur. Karyerası boyunca, xüsusən də başlanğıcda həmişə qalib gəlib. Jozenin ünsiyyət tərzi həmişə digərlərindən fərqlənib və mən İngiltərədə bundan həqiqətən zövq aldığımı xatırlayıram. Maraqlıdır, sanki ölkələri və klubları dəyişmişik. O, mənim üçün nümunədir və mən bəzən onunla mesajlaşıram, amma ünsiyyətimiz bununla bitir", - Amorim TNT Sports-a bildirib.
