Idman.biz
"Mançester Yunayted"in baş məşqçisi Ruben Amorim komandasının İngiltərə Premyer Liqasının 9-cu turunda "Brayton"la qarşılaşmasından əvvəl danışıb.
İdman.Biz-in məlumatına görə, oyun 25 oktyabrda "Old Trafford"da keçiriləcək.
"Düşünürəm ki, bu, çox çətin oyun olacaq. "Brayton"un oyunlarını izləmək çox maraqlıdır. Onlar hücumları çox yaxşı qururlar, hücuma keçidlərdə və oyunun bütün aspektlərində güclüdürlər. Bu mövsüm standart vəziyyətlərdə əla oynadılar. Onlar həqiqətən də yekdil komandadırlar.
Bizim isə bəzi çətinliklərimiz var. Harri Maquayr və Meyson Mauntun bu həftə bəzi problemləri var idi. Amma ciddi bir şey yoxdur. Sabah görəcəyik", - Amorim "The Sun" qəzetinə bildirib.
İngiltərə Premyer Liqasında səkkiz oyundan sonra "Mançester Yunayted"in 13 xalı var və turnir cədvəlində doqquzuncu yerdədir. "Arsenal" 19 xalla çempionata liderlik edir.
