Sport24.az
Premyer Liqanın III turu çərçivəsində keçirilən "Sumqayıt" – "Səbail" matçı meydan sahiblərinin qələbəsi ilə başa çatıb. Son saniyələrdə vurduğu qolla "kimyaçılar"a qələbə qazandıran Roy Kehat oyundan sonra Sport24.az-ın əməkdaşının suallarını cavablandırıb.
- Öncə oyunla bağlı fikirlərini bölüşərdin…
- 90 dəqiqənin böyük hissəsi nəzarətimiz altında olsa da, əlimizə düşən fütsətlərdən yararlana bilmədik. Yaxşı ki, son dəqiqələrdə bizə qələbə gətirən qolu vura bildik. 3 xal qazandığımıza görə xoşbəxtəm. Amma üzərimizdə çox işləməli və "Səbail" ilə oyundakı səhvləri təkrarlamamalıyıq.
- Xüsusilə ilk yarıda rəqibdən üstün olsaz da, hücumda demək olar, heç nə ilə yadda qalmadız. Səbəb nə idi?
- Əlbəttə ki, "yaxşı oynadıq" deyə bilmərik. Pis matçlarımız ola bilər. Amma nikbin olub, gələcəyə baxmalıyıq. Düşünürəm ki, arxada qoyduğumuz üç turdakı çatışmazlıqlar üzərində işləyəcək və hücumda kreativliyi artıracağıq.
- Sənin qolun sayəsində "Sumqayıt" qələbə çaldı. Sənə elə gəlmir ki, bu gün azarkeşlərin əsəbləri ilə oynadız…
- Razıyam ki, qol üçün çox gözlədik. Rəqib hesabı bərabərləşdirdikdən sonra bir anlıq şoka düşdük. Amma şükürlər olsun ki, tez toparlandıq və hesabı öz xeyrimizə dəyişdik. Vurduğum qolla komandama qələbə qazandırdığıma görə şadam. Çox istərdim ki, son oyunda göstərdiyimiz yaxşı cəhətlərin hamısını qarşıdakı turlarda da təkrarlayıb daha çox qələbə qazanaq.
- Bu mövsüm ötən ilki çempionatdan daha gərgin keçəcək. Mükafatçılar sırasında yer almaq çətin olmayacaq?
- Fikirimcə, çempionata pis başlamamışıq. Hələlik cəmi 3 tur arxada qalıb. Kubok matçlarını nəzərə almasaq, qarşıda 33 oyun var. Hər qarşılaşmaya xüsusi motivasiya ilə hazırlaşacaq və son oyunumuz kimi çıxacağıq. Əlbəttə ki, asan olmayacaq. Amma biz döyüşəcəyik. Ümid edirəm ki, töktüyümüz tərin, əziyyətin qarşılığını alacaq və sonda layiq olduğumuz pillədə olacağıq.
ABDULLA İSMAYILOĞLU
