İdman.biz
Kriştianu Ronaldunun çıxış etdiyi "Əl-Nəsr" komandasını Stefano Pioli çalışdıracaq. İtaliyalı mütəxəssis karyerasının böyük hissəsini "Milan"da keçirib (2019-2024) və bu klubla 2022-ci ildə A seriyasında çempion olub.
İdman.biz xəbər verir ki, Kriştianu Ronaldu əvvəllər Piolinin rəhbərliyi altında çıxış etməyib, amma onun komandalarına qarşı oynayıb.
Portuqaliyalı superulduz 2018-ci ildə formasını geyindiyi "Yuventus"la Piolinin çalışdırdığı "Fiorentina"ya 3:0 hesabı ilə qalib gəldikləri oyunda qol da vurub.
2019-2021-ci illərdə isə "Yuventus" və "Milan" qarşıdurmasında Kriştianu Ronaldu və Piolinin komandaları hərəyə 2 qələbə qazanıblar, daha iki oyun da heç-heçə nəticələnib.
Xüsusilə 2020-ci ilin iyulunda Milanda keçirilən qarşılaşma yaddaqalan olub. Belə ki, matçın 53-cü dəqiqəsində Kriştianu Ronaldu hesabı 0:2 etsə də, meydan sahibləri qalan vaxt ərzində 4 qol vuraraq əzmkar qələbə qazanıblar.
Rasim
İdman.biz
