Lent.az
Dünyaca məşhur futbolçu Kriştiano Ronaldo 9 ildir birlikdə olduğu sevgilisi, model və sosial media fenomeni Georgina Rodriguezə evlilik təklifi edib. Georgina Rodriguez "Instagram" hesabında nişan üzüyünün fotosunu paylaşaraq, "Bəli dedim. Bu, həyatımda və bütün həyatlarımda" sözlərini yazıb. Paylaşım milyonlarla bəyənmə toplayıb. Üzüyün böyüklüyü diqqət çəkərkən, mütəxəssislər qiyməti barədə dəyərləndirmələr aparıblar.
Üzüyün qiyməti nə qədərdir?Hələ ki, cütlük üzüyün neçə karat olduğunu açıqlamasa da, Lent.az xarici mediaya istinadən xəbər verir ki, Londondakı 77 Diamonds şirkətinin baş direktoru Tobias Kormind üzüyün təxminən 35 karat olduğunu və 5 milyon dollar dəyərində qiymətləndirildiyini bildirib.
Nişan üzüyü üzrə ekspert Laura Taylor isə daşın "qeyri-adi dərəcədə gözəl" olduğunu, 15–20 karat arası oval kəsim brilyantdan ibarət olduğunu və qiymətinin 2 milyon dolları keçə biləcəyini söyləyib.
Ronaldo, Georgina ilə 2016-cı ilin sonlarında Madriddə işlədiyi mağazada tanış olub. Georgina "I Am Georgina" adlı sənədli serialında münasibətlərinin başlanğıcını "çox xüsusi bir başlanğıc" kimi təsvir edib. Bir neçə ay sonra, iyun 2017-də Ronaldo surroqat ana vasitəsilə əkiz övladları va və Mateonun dünyaya gəldiyini açıqlayıb. Ardınca, cütlük ilk ortaq övladlarını gözlədiklərini bildirərək, noyabr 2017-də qızları Alana Martinanı qarşılayıb.
Ekim 2021-də Ronaldo və Georgina yenidən əkiz uşaq gözlədiklərini elan edib, lakin aprel 2022-də dünyaya gələn əkizlərdən oğlan olan körpələrinin vəfat etdiyini açıqlayıblar. Birgə bəyanatda, "Bu, valideynin hiss edə biləcəyi ən böyük acıdır" deyiblər.
İndi isə dünyanın ən çox maraq doğuran cütlüyü rəsmi olaraq evlənməyə hazırlaşır. Ötən günlərdə onların gizlicə evləndikləri barədə də iddialar səsləndirilmişdi.
