Sport24.az
"İnter"in və Braziliya millisinin sabiq hücumçusu Ronaldo Çempionlar Liqasının finalı ilə bağlı fikirlərini bölüşüb. Sport24.az xəbər verir ki, o, bu barədə "Fcinter1908.it" portalına açıqlama verib:
"Fikrimcə, "İnter" qalib gələcək. Bu, bir azarkeş kimi mənim fikrimdir. Klubla əla əlaqəm var, onlarla çox vacib anlar yaşadım, ona görə də simpatiyamı gizlədə bilmirəm. "İnter" Çempionlar Liqasını yenidən qazansa, yaxşı olar".
Qeyd edək ki, veteran futbolçu karyerası ərzində "Cruzeyro", PSV, "Barselona", "İnter", "Real" və "Milan" kimi komandalarda çıxış edib. Sabiq forvard peşəkar futbolçu karyerasını 2011-ci ildə başa vurub.
