İdman.biz
Klub karyerasında daxili yarışlarda ən çox oyun keçirən futbolçular açıqlanıb.
İdman.biz xəbər verir ki, İFFHS-in cədvəlində ən azı 800 matç keçirənlər yer alıb.
Siyahıya braziliyalı Fabio başçılıq edir. O, 1073 matç keçirib. İngiltərəli qapıçı Peter Şilton 1052, braziliyalı Rojerio Seni 1023 qarşılaşmada meydana çıxıb.
Kriştiano Ronaldo isə siyahıya yeni daxil olub. O, 800-cü matçını üç gün əvvəl keçirib. "Əl-Nəsr"in portuqaliyalı ulduzunun yubileyi "Əl-Tavun"la Superkubok görüşünə (2:0) təsadüf edib.
Qeyd edək ki, 16 futbolçunun olduğu siyahıda yalnız Fabio və Ronaldo karyerasını davam etdirir. Onlar arasında 273 oyunluq fərq var.
İdman.biz
