Sport24.az
Əl-Nəsr"ın hücumçusu Kriştiano Ronaldo komandanın baş məşqçisi Stefano Piolinin onu əvəzləməsinə əsəbləşib. Sport24.az xəbər verir ki, hadisə Səudiyyə Ərəbistanı Pro Liqasının 25-ci turunun "Əl-Holud"la matçında (3:1) baş verib. Ulduz futbolçu baş məşqçinin oyunun 61-ci dəqiqəsindəki qərarından sonra birbaşa paltardəyişmə otağına yollanıb.
Bu görüşdə portuqaliyalı futbolçu dördüncü dəqiqədə fərqlənib və karyerasında 928-ci qolunu vurub.
Qeyd edək ki, 40 yaşlı hücumçu cari mövsümdə bütün turnirlərdə 33 matçda iştirak edib, 28 qol vurub və 4 məhsuldar ötürmə edib. Ronaldonun klubla hazırkı müqaviləsi yayda başa çatır.
