Sport24.az
"Əl-Nəsr"in portuqaliyalı hücumçusu Kriştiano Ronaldo doğum günü münasibəti ilə başına toplaşan yaxınları ilə birgə şəkilini paylaşıb. Sport24.az xəbər verir ki, ulduz futbolçu dünən 40 yaşını qeyd edib:
"Gözəl ad günü arzularınız üçün hamınıza təşəkkür edirəm! Ailəmiz və dostlarımızla gözəl bir gün keçirdik, bundan yaxşısını istəyə bilməzdik".
Qeyd edək ki, Ronaldo bu mövsüm bütün turnirlərdə 25 oyunda iştirak edib, 23 qol vurub və 4 məhsuldar ötürmə edib. Futbolçunun Səudiyyə klubu ilə hazırkı müqaviləsi 2025-ci ilin iyunun sonuna kimidir.
