Idman.biz
Portuqaliya millisinin və "Əl-Nəsr"in hücumçusu Kriştiano Ronaldo milyarder olduğunu anladıqdan sonra keçirdiyi hisslərdən söz açıb.
İdman.Biz bildirir ki, oktyabr ayında "Bloomberg" Kriştiano Ronaldonun ilk futbolçu milyarder olduğu barədə məqalə dərc edib. Onun sərvəti 1,4 milyard dollar olaraq qiymətləndirilir.
"Bu, "Qızıl top"u qazanmaq kimi idi. Bu rəqəmə çatmaq həmişə mənim məqsədim olub. Milyarder olmaq əsas məqsədlərimdən biri olub. Mən futbolda yeganə milyarderəm. Məni təkəbbürlü adlandıra bilərsiniz, amma rəqəmlər yalan danışmır", - deyə Ronaldo YouTube kanalında yayımlanan videoda jurnalist Pirs Morqana verdiyi müsahibədə bildirib.
