Sport24.az
Portuqaliyalı hücumçu Kriştiano Ronaldo gələn il ABŞ, Kanada və Meksikada keçiriləcək dünya çempionatının onun üçün sonuncu olacağını bildirib. Sport24.az xəbər verir ki, bu barədə ulduz futboolçu "Mundo Deportivo"ya Səudiyyə Ərəbistanında keçirilən turizm forumunda açıqlama verib:
"Növbəti dünya çempionatı mənim üçün sonuncu olacaqmı? Əlbəttə ki, bu fikir doğrudur, çünki mənim 41 yaşım olacaq. Düşünürəm ki, bu möhtəşəm turnirdə olacam. Ondan sonra isə milli karyeramı başa vuracam. Dediyim kimi, hazırda futbolda olduğum hər andan zövq alıram".
Qeyd edək ki, Kriştiano Ronaldo 2003-cü ilin avqust ayından bəri Portuqaliya millisində oynayır. O, milli komandada 225 oyun keçirib, 143 qol vurub və 46 məhsuldar ötürmə edib. Ronaldo 2016-cı ildə Portuqaliya ilə Avropa çempionu olub. 2015 və 2019-cu illərdə isə UEFA Millətlər Liqasının qalibi olub.
