Sport24.az
Futbol tarixinin ən yaxşı bombardiri Kriştiano Ronaldo müvəqqəti olaraq klubunu dəyişə bilər. Sport24.az xəbər verir ki, bu barədə "talkSPORT" portalı məlumat yay ıb.
Bildirilir ki, portuqaliyalı 2025-ci ildə keçiriləcək klublararası dünya çempionatında iştirak etmək üçün Səudiyyə Ərəbistanının "Əl-Nəsr" klubundan ayrılmağı düşünür. Portuqaliyalının klubla hazırkı müqaviləsi 2025-ci ilin yayında başa çatır.
Ronaldo "İnter Mayami" ilə qısamüddətli müqavilə imzalaya və Lionel Messi ilə komanda yoldaşı ola bilər. Qısamüddətli müqavilə başa çatdıqdan sonra isə o, "Əl-Nəsr"ə qayıtmağı planlaşdırır.
Qeyd edək ki, Messi 2023-cü ildən "İnter Mayami"də çıxış edir. Ronaldo elə həmin ildən "Əl-Nassr"ın rənglərini qoruyur. Klublararası dünya çempionatı iyunun 14-dən iyulun 13-dək keçiriləcək.
