Idman.biz
Braziliyanın adı açıqlanmayan klubu Səudiyyə Ərəbistanının "Əl-Nəsr" komandasının məşhur portuqaliyalı hücumçusu Kriştiano Ronaldoya təklif göndərib.
İdman.biz xəbər verir ki, İspaniyanın nüfuzlu "Marca" nəşri bu barədə məlumat yayıb.
Mənbə komandanın adını açıqlamasa da, onun Klubların dünya çempionatında iştirak edəcəyini bildirib.
Braziliya təmsilçilərindən 2025-ci ildə keçiriləcək klubların mundialında "Palmeyras", "Botafoqo", "Flamenqo" və "Fluminense" çıxış edəcəklər.
Qeyd edək ki, 2024/25 mövsümündə Kriştiano Ronaldo klub səviyyəsində 39 oyun keçirib, 33 qol vurub və 4 məhsuldar ötütmə edib.
İdman.biz
