Sport24.az
Kriştiano Ronaldo nə vaxtsa Braziliyada oynaya bilər. Sport24.az xəbər verir ki, "Portuguesa" portuqaliyalı ulduzu heyətində görmək istəyir.
Bu sözləri Braziliya və Portuqaliya arasında əlaqələri gücləndirməkdə qərarlı olan klub prezidenti Aleks Burjua CNN-ə müsahibəsində deyib:
"Biz Braziliyadakı Portuqaliya icmasının qürurunu gücləndirir və qoruyuruq. Ona görə də Nanini heyətimizə qatmaq istədik. 2026-cı ilə qədər Portuqaliyadan böyük futbolçu transfer etməyə çalışacağıq. Ronaldo? O, bütün dövrlərin ən böyük portuqaliyalısı, müasir dünyanın ən böyük şəxsiyyətidir. Onu heyətimizə qatmaq əla olardı. Bu barədə nə vaxtsa danışa bilərik. Biz Portuqaliyanın Portuqaliya və Braziliya arasında bir kanal olmasını istəyirik".
Ronaldonun Səudiyyə Ərəbistanının "Əl-Nəsr" komandası ilə müqaviləsi 2025-ci ilin iyununa kimidir.
