Sport24.az
Portuqaliya millisinin hücumçusu Kriştiano Ronaldo karyerasını tezliklə bitirməyi planlaşdırmadığını bildirib. Sport24.az xəbər verir ki, bu barədə insayder Fabritsio Romano sosial şəbəkə hesabında məlumat paylaşıb:
"Bu günlə yaşayıram. Hələ karyeramı bitirməyi planlaşdırmıram. Hər anın həzzini alıram. Xoşbəxtəm və futboldan ləzzət aldığım müddətdə oynamağa davam etmək istəyirəm".
Qeyd edək ki, 40 yaşlı Ronaldo beşqat Çempionlar Liqasının qalibi, üçqat İngiltərə çempionu, ikiqat İspaniya və İtaliya çempionudur. O, karyerası ərzində "Sportinq", "Mançester Yunayted", "Real", "Yuventus" və "Əl-Nasr" klublarında çıxış edib.
