Idman.biz
Portuqaliya millisinin kapitanı Kriştianu Ronaldu 2026 Dünya Kubokunun seçmə mərhələsində İrlandiya ilə səfər matçından öncə mövqeyini açıqlayıb.
İdman.Biz xəbər verir ki, Ronaldu A Bola-ya müsahibəsində "Aviva" stadionunda ona qarşı sərt reaksiyanın olacağını düşündüyünü deyib və bu durumun komandaya psixoloji olaraq müsbət təsir göstərə biləcəyini vurğulayıb.
"Stadion məni fitə basacaq, buna öyrəşmişəm və ümid edirəm ki, bəlkə də bu, digər oyunçuların üzərindən gərginliyi götürəcək. Ən çox istədiyim oyundan həzz almaqdır. Bu, həlledici faktor deyil, amma demək olar ki, həlledicidir. Bilirik ki, qələbə bizi Dünya Kuboku 2026-ya çıxaracaq. Bütün məsələləri indi həll etmək istəyirik", - deyə Ronaldu bildirib.
Ronalu əlavə olaraq deyib ki, nə vaxt faydalı olduğunu, nə vaxt yaxşı oynadığını və nə vaxt olmadığını bilir.
"Oyun keyfiyyəti həmişə birinci yerdə olmalıdır. İrlandiya milli komandası aşağı blokla oynayacaq. Azarkeşlər onları dəstəkləyəcək, daha da ruhlanacaqlar, autlar demək olar ki, künc zərbəsi kimi olacaq. Biz buna tam hazır olmalıyıq", - kapitan əlavə edib.
Oyun 13 noyabr, Bakı vaxtı ilə 23:45-də başlayacaq.
