Lent.az
Portuqaliya millisinin və Səudiyyə Ərəbistanının "Əl-Nəsr" klubunun futbolçusu Kriştiano Ronaldo ən bahalı alış-verişinin 13 il əvvəl aldığı təyyarə olduğunu açıqlayıb.
Lent.az-ın xarici KİV-ə istinadla məlumatına görə, oktyabr ayında "Bloomberg" Ronaldonun sərvəti 1 milyard dolları keçən ilk futbolçu olduğunu bildirib.
Ronaldo britaniyalı jurnalist Pirs Morqana "YouTube"da verdiyi müsahibədə bildirib: "Ən bahalı alış-verişim təyyarədir. Onu 13 ildir ki, istifadə edirəm; bir il əvvəl təkmilləşdirmişəm. Bəli, bir az bahadır. Mənim Global Express modelim var".
Ronaldo beşqat "Qızıl top" mükafatçısı, beşqat Çempionlar Liqasının qalibi, Avropa çempionu və dünya futbolunun bütün zamanların ən çox qol vuran oyunçusudur. "Əl-Nəsr"ə keçməzdən əvvəl Ronaldo "Sportinq" (Portuqaliya), "Mançester Yunayted" (İngiltərə), "Real" (İspaniya) və "Yuventus" (İtaliya) klublarında oynayıb.
