Lent.az
40 yaşlı Kriştiano Ronaldo 2023-cü ildən "Əl-Nəsr"də çıxış edir və "Mançester Yunayted"ə uğursuz qayıdışından sonra Səudiyyə Ərəbistanının Pro Liqasına qoşulub.
İyun ayında Səudiyyə klubu ilə imzalanan müqaviləyə əsasən, Ronaldonun qarşıdakı 24 ay ərzində ən azı 495 milyon avro qazanacağı bildirilir.
Lent.az xarici mediaya istinadla bildirir ki, yeni müqavilə həmçinin Ronaldoya "Əl-Nəsr"də 15 faiz pay verir, yəni o, hazırda Səudiyyə klubunun ortaq sahibidir. Potensial satış reallaşarsa, müqavilə Ronaldonun qazancının daha da artmasına səbəb ola bilər.
Səudiyyəli jurnalist Əhməd Əl-Ajlanın xəbərinə görə, Səudiyyə Ərəbistanının İctimai İnvestisiya Fondu (PİF) "Əl-Nəsr" və daha üç klubdakı paylarını satmağa hazırlaşır.
PIF ölkənin ən böyük dörd komandası olan "Əl-Nsər", "Əl-İttihad", "Əl-Əhli" və "Əl-Hilal"ın 75 faizinə, qalan 25 faizi isə ölkənin İdman Nazirliyinə məxsusdur. Bununla belə, potensial satışlar hər iki kluba sərmayə qoyuluşunu əhatə edəcək, buna görə də Ronaldo böyük bir qonorar ala bilər.
