Sport24.az
"Əl Nəsr"in hücumçusu Kriştianu Ronaldo Səudiyyə Ərəbistanı Superkubokunun finalında "Əl Əhli"yə qol vurub. Sport24.az xəbər verir ki, 40 yaşlı ulduz futbolçu oyunun 41-ci dəqiqəsində penaltidən fərqlənib. Bu qol portuqaliyalının "Əl Nəsr"də keçirdiyi 113 matçda 100-cü qol olub.
Ronaldo tarixdə dörd fərqli klubda 100+ qol vuran ilk futbolçudur. O, həmçinin "Real"da 438 oyunda 451, "Mançester Yunayted"də 346 matçda 145, "Yuventus"da isə 134 qarşılaşmada 101 qol vurub.
Qeyd edək ki, forvard 2023-cü ilin yanvarından "Əl-Nassr"da çıxış edir.Onun Səudiyyə Ərəbistanı klubu ilə müqaviləsi 2027-ci ilin yayına qədərdir.
