Idman.biz
Portuqaliya yığmasının hücumçusu və kapitanı Kriştiano Ronaldo milli komanda yoldaşı Dioqo Jotanın dəfn mərasimində iştirak etməməsinin səbəblərinə aydınlıq gətirib.
İdman.Biz-in məlumatına görə, Jota və qardaşı Andre Silva 3 iyul 2025-ci ildə İspaniyada avtomobil qəzasında həlak olublar.
"İki səbəbə görə. Birincisi, atamın ölümündən (2005-ci ildən) bəri heç vaxt qəbiristanlığa getməmişəm. İkincisi, hara gedirəmsə, hər şey sirkə çevrilir. Bütün diqqət mənim üzərimdə olacaqdı və mən bunu istəmirdim.
İnsanlar məni tənqid edirlər, amma bu qərarı verdiyimə şadam. Təriflənmək üçün ictimaiyyətin diqqətində olmaq lazım deyil. Müəyyən şeylər planlaşdırıram, onun ailəsi haqqında düşünürəm. İnsanların nə etdiyimi görməsi üçün kameraların qarşısında olmaq lazım deyil. Hər şeyi pərdəarxası edirəm", - deyə Ronaldo jurnalist Pirs Morqana verdiyi müsahibədə bildirib.
