Sport24.az
"Heç-heçənin qələbəyə bərabər olduğunu deməzdim". Sport24.az xəbər verir ki, bunu Niderlandın baş məşqçisi Ronald Kuman Fransa ilə keçirilən AVRO-2024-ün qrup mərhələsinin II turunun oyunundan sonra mətbuat konfransında deyib.
Təcrübəli mütəxəssis Fransa kimi komandalara qarşı mübarizə aparmağın çətin olduğunu söyləyib: "Cəsarətli oynamağa çalışdıq. İstəyirdik ki, daha sürətli olaq və topu özümüzdə çox saxlayaq. Bizim hələ də böyüməyə ehtiyacımız var. Heç-heçənin qələbəyə bərabər olduğunu deməzdim. Lakin düşünürəm ki, fransızlar da bu nəticədən narazı deyillər".
Qeyd edək ki, AVRO-2024-ün D qrupunun matçında Niderland Fransa ilə heç-heçə edib - 0:0.
