Idman.biz
Ronald Kuman klubda məşqçi kimi çalışmayacağını deyib.
İdman.biz xəbər verir ki, 62 yaşlı mütəxəssis artıq üçüncü ildir Niderland millisini çalışdırır, ondan əvvəl isə "Barselona"nın (2020-2021) baş məşqçisi olub.
Kuman qərarının qəti olmadığını, amma yenidən hansısa klubu çalışdırmaq ehtimalının çox az olduğunu deyir: "Milli komandada hamı toplanışa gülərüzlə gəlir. Hər kəs bir-birini yenidən görməyə və Niderland dilində danışmağa sevinir.
Klubda isə daha çox məyus futbolçularla işləmək lazım gəlir. Düzünü desəm, buna artıq güc sərf etmək istəmirəm — daha yaxşısı, yalnız futbol işlərinə fokuslanmaqdır".
Onun Niderland yığması ilə müqaviləsi 2026-cı il dünya çempionatının sonuna qədər qüvvədədir.
Qeyd edək ki, Kuman daha əvvəl həmçinin "Everton", "Sauthempton", "Feyenoord", AZ, "Valensiya", PSV, "Ayaks", "Benfika" və "Vitess" kimi klublarda baş məşqçi olub.
İdman.biz
