Sport24.az
"Barselona"nın müdafiəçisi Ronald Arauxo Milad fasiləsindən sonra komandaya qayıdacaq. Sport24.az xəbər verir ki, daha əvvəl Arauxo psixoloji problemlərlə əlaqədar bərpa üçün vaxt istəmiş və Qüdsdəki müqəddəs yerləri ziyarət etməyi planlaşdırmışdı.
Uruqvaylı futbolçu sonuncu dəfə noyabrın 25-də Çempionlar Liqasında "Çelsi"yə qarşı matçda (0:3) meydana çıxmışdı.
"Marca"nın məlumatına görə, Arauxo dekabrın 29-da "Barselona"nın digər futbolçuları ilə birlikdə məşqlərə qayıdacaq və Milad fasiləsindən sonrakı ilk oyunda – yanvarın 3-də "Espanyol"a qarşı görüşdə oynamağı planlaşdırır.
Müdafiəçi bayramları ailəsi ilə birlikdə Uruqvayda keçirməyi düşünür ki, bu da onun bərpasına müsbət təsir göstərə bilər.
