Idman.biz
"Barselona"nın müdafiəçisi və kapitanı Ronald Arauxo psixoloji problemləri aradan qaldırdıqdan sonra məşqlərə qayıtmasına baxmayaraq, İspaniya liqasının 18-ci turunda "Espanyol"a qarşı oyunda oynamayacaq.
İdman.Biz bildirir ki, "Barselona"nın baş məşqçisi Hans-Diter Flik oyunçunun qərarını izah edib.
"Nə vaxt qayıdacağı ondan asılıdır. O, yaxşıdır, amma Ronald fiziki cəhətdən 100% hazır deyil və nə qədər tez qayıdacağına qərar verməlidir. Bu, onun üçün vacibdir.
Arauxo komanda yoldaşları ilə danışıb və mən hər kəsin dəstəyini görürəm və hiss edirəm. O, geri döndü, vacib oyunçudur və geri qayıtması üçün vaxt lazım olsa da, o, yaxşı oynayır", - Sport.es Flikdən sitat gətirir.
Çempionlar Liqasında "Çelsi"yə 3:0 hesablı məğlubiyyətdən sonra Araujo psixoloji problemlər səbəbindən "Barselona"nın bütün yarışlarda yeddi oyununu buraxıb. Mediada yayılan məlumatlara görə, klub tərəfindən verilən xüsusi məzuniyyət zamanı uruqvaylı mənəvi kömək almaq üçün Qüdsə səfər təşkil edib və orada müqəddəs yerləri ziyarət edib.
