Sport24.az
Azərbaycan Premyer Liqasının IV turunda "Neftçi" səfərdə "Araz-Naxçıvan"la 1:1 hesablı heç-heçə edib. Sport24.az xəbər verir ki, oyundan sonra baş tutan mətbuat konfransında "ağ-qaralar"ın baş məşqçisi Roman Qriqorçuk matçı şərh edib. O, Ramil Şeydayevin qolu barədə bu sözləri deyib:
"Mən bu qolda heç bir problem görmürəm. Elə bir səbəb görmədik ki, feyr-pley barədə danışılsın. Hər şeyi dəqiqliklə gördüm, oyunçu ayağa qalxırdı. Bizim oyunumuz ayağa qalxırdı, onların futbolçusunun topu bayıra atması üçün səbəb yox idi. Təəssüflənirəm ki, 4 oyun qələbə qazana bilməmişik. Elə bir yoldayıq ki, komanda yenilənir. Hazırda da transfer işlərinə davam edirik. Yeni oyunçular var və onların durumu istədiyimiz formada deyil. Təzyiqi o zaman daha çox üzərimdə hiss edərdim ki, komanda istədiyim kimi olsun, amma nəticə gəlməsin. Qarşıda beynəlxalq fasilə olacaq. Bundan yaxşı istifadə etməyə çalışacağıq. İndidən yaxşı nəticələrin olmasını istərdik. Sadəcə vaxt lazımdır. Əlbəttə, başqa yanaşma ilə də işlərə baxa bilərik. Nəyin bahasına olur olsun, qələbəni düşünə bilərik. Lakin istədiyimiz odur ki, təsadüfi yox, layiqli qələbələrimiz olsun. Tutduğum yoldan dönmək istəmirəm. Səbirli olmaq lazımdır. Ümumi hisslərim çox pisdir, daha yaxşı olmasını istərdim. Səbrlə davranacam və istədiyimi əldə edəcəm".
