İdman.biz
"İlk hissədə kifayət qədər qol epizodları yaratdıq. Amma qola çevirə bilmədik. Onlardan yararlansaydıq, oyun başqa cür alınardı"
İdman.biz xəbər verir ki, bunu "Neftçi"nin baş məşqçisi Roman Qriqorçuk deyib.
Ukraynalı mütəxəssis Azərbaycan Premyer Liqasının II turunda "Səbail"lə (1:1) qeydə alınan heç-heçəni şərh edib: "Bu oyuna görə heç bir futbolçuya irad bildirə bilmərəm. Çünki meydanda özünün ən yaxşısını qoymayan oyunçu yox idi. Qələbə qazanmaq istəyirsənsə, epizodları vurmaq lazımdır. "Neftçi" şübhəsiz ki, hər oyunda qələbə qazanmalıdır. Qələbə olmayanda neqativlik yaranır. Epizoddan uzaqda idim. Bilmirəm səbəb nə idi ki, oyunçularla azarkeşlər arasında problem yaşandı. Düşünmürəm hansısa səbəb var ki, oyunçulara belə irad bildirilsin. Nəsə başqa bir şey olsaydı, qəbul edərdim. Orada nə baş verdiyini bilmirdim, eşitmirdim. Amma hansısa futbolçum azarkeşə söz deyirsə belə, onlara haqq qazandırmaram.".
Qeyd edək ki, "Neftçi" mövsümün ilk oyununda heç-heşə oynayıb.
İdman.biz
