Sport24.az
"Neftçi"nin "sükanı arxasından" uzaqlaşdırlan Roman Qriqorçuk Ukrayna mətbuatına açıqlama verib. Sport24.az xəbər verir ki, o, "Футбол 2.0" portalına danışan Qriqorçuk "ağ-qaralar"la bağlı bunlar söyləyib:
"Neftçi"nin rəhbərliyinə təşəkkür edirəm. Azərbaycana bir məqsədlə getmişdim. Ümid edirdim ki, "Neftçi"ni çempion edib Çempionlar Liqasında oynayacağıq. Ora yalnız bunun üçün yollanmaışdım. Amma 9 turdan sonra "Neftçi" bir qələbə də qazana bilmədi. Belə bir vəziyyətdə qarşılıqlı qərardan (müqaviləni ləğv etmək) başqa variant olmadı. "Neftçi"yə isə uğurlar arzulayıram, məqsədlərinə çatsınlar. Mənim prioritetim, təbii ki, Ukraynada qalmaqdır. Bunu əvvəllər etmək istəyirdim, sadəcə, Azərbaycana səfərlə bağlı istisna var idi. Əslində bunu planlaşdırmamışdım, təsadüfən seçim yarandı. İdeyalarımı həyata keçirmək istəyirəm, yüksək nəticələr əldə etməyə yönəlmiş layihədir".
Qeyd edək ki, paytaxt klubunda uğursuzluğa düçar olan ukraynalı mütəxəssis I dövrənin sonunda postundan gedib.
