Sport24.az
"Roma" "Brayton"dan icarəyə götürdüyü Evan Ferqyusonla bağlı qərarını verib. Sport24.az xəbər verir ki, paytaxt klubu irlandiyalı hücumçunu vaxtından əvvəl göndərəcək.
Bu barədə "Calciomercato" nəşri məlumat yayıb.
Ferqyuson A Seriyası təmsilçisində ümidləri doğrultmayıb. 21 yaşlı forvard yanvar ayında müqavilə ilə məxsus olduğu "Brayton"a qayıdacaq.
Qeyd edək ki, "Roma" Evan Ferqyusonu bu ilin iyul ayında icarəyə götürüb. İrlandiya millisinin üzvü "canavarlar"ın heyətində meydana çıxdığı 12 rəsmi matçda 1 qol və 1 məhsuldar ötürmə ilə yadda qalıb.
