Idman.biz
"Roma" hücumçu Donyell Malenin transfer prosesinə başlayır.
İdman.Biz xəbər verir ki, klub oyunçunun transfer seçimini aktivləşdirməyə hazırdır. Fabrizio Romano sosial mediada bildirib ki, "Aston Villa" artıq icarə üçün ödənilən 2 milyon avroya əlavə olaraq 25 milyon avro alacaq.
Məcburi transfer bəndi "Roma" Çempionlar Liqasına və ya Avropa Liqasına vəsiqə qazanarsa və Malen iyun ayına qədər komandanın oyunlarının 50%-ni oynayarsa, qüvvəyə minəcək. Bundan əlavə, "Aston Villa" oyunçunun gələcəkdə yenidən satışından 10% pay alacaq.
Donyell Malen artıq "Roma"da beş oyunda iştirak edib və beş qol vurub. Komanda 25 oyundan sonra 47 xalla A Seriyası turnir cədvəlində dördüncü yerdədir.
