Idman.biz
"Real Madrid"in hücumçusu Rodriqo Qoes klubunun ötən mövsümdəki dörd "El Klasiko" məğlubiyyətinə görə "Barselona"dan qisas almaq istəyib-istəmədiyini cavablandırıb.
İdman.biz bildirir ki, komandalar oktyabrın 26-da La Liqanın 10-cu turu çərçivəsində üz-üzə gələcək.
"Keçən mövsümü unutmaq daha yaxşıdır. Bilirik ki, əlimizdən gələnin ən yaxşısını edə bilmədik, xüsusən də "El-Klasiko"da. Onlarla oynamaq bizə rahat deyildi. Etiraf etməliyik ki, onlar indi daha yaxşı oynayırlar, daha güclü və inamlı komandaları var.
Amma bizim də əla komandamız var. Çətin matç olacaq, amma biz "Bernabeu"da azarkeşlərimizin önündə oynayırıq və nəyə qadir olduğumuzu göstərməliyik. Nə olursa olsun, hərtərəfli hazırlaşmalıyıq. Biz evdə olacağıq", - deyə Qoes bildirib.
